Xildhibaan. Axmed Maxamed Diiriye (Nacnac) wuxuu sidaa ku sheegay war saxaafadeed uu maanta soo saaray waxa kale oo uu Golaha Wakiilada ugu baaqay inay Xildhibaan Donald Payne ku soo marti qaadaan Somaliland.

"Si loo taabo geliyo loogana midho dhaliyo himilada qarankan Somaliland ee Ictiraaf raadinta, waxaanu xukuumada uga digaynaa ereyada ka dhanka ah Mudanaha Donald Payne iyo dawlada Maraykankaba.

Waxa kale oo aanu u soo jeediyaa dadka Soomaalida ah ee ay diinta iyo dhaqankaba wadaagno ee ku haysta afduub lamaanaha Ingiriiska ah inay siiyaan xoriyadoodii kuna sii daayaan si bilaa shuruud ah, iyagoo eegaya sharafta iyo karaamada kumanaanka Soomaalida ah ee ku nool cariga Ingiriiska.

Waxa kale oo aan Golaha Wakiilada iyo Shirgudoonkaba ka codsan lahaa in Gole weynuhu marti qaad rasmi ah u fidiyo Senator-ka ruug caddaaga ah ee Donald Payne, maadaama oo uu xidhiidh iyo damqasho la leeyahay reer Somaliland."